Inicio > Política Territorial > Sistema *IMI > Documentación > Formación > Preguntas habituales > 2009 > Decembro > Problemas co contrasinal

Problemas co contrasinal

10/12/2009

Algúns usuarios sinálannos que "aparece unha mensaxe que di que (o contrasinal) non coincide coa que figura en Windows".
Se estás nesta situación, seguramente dixeches (no seu día) 'SI' cando Windows che propuxo conservar o contrasinal. Esa é unha opción que non recomendamos (non só con IMI senón de xeito xeral): cando lle dis a unha máquina que memorice o teu contrasinal en certa medida estás reducindo a súa seguridade posto que calquera que acceda a esa máquina con só coñecer ou adiviñar -fácil- o teu nome de usuario poderá 'saltar' o contrasinal. Menos mal que IMI pide adicionalmente coñecer tres das 12 letras dun código secreto.

Se dixeches 'si' a esa proposta que che ofrece Windows, o máis seguro é que o contrasinal que gardases sexa o primeiro que usaches (o temporal) que non é o definitivo que posteriormente se ten que cambiar por outro definitivo). Dado que o contrasinal definitivo non é ese temporal, prodúcese o conflito (o contrasinal que o sistema lembra e escribe automaticamente non é o correcto).

Hai dúas solucións:

1) Dicirlle a Windows que esqueza o contrasinal que memorizou (isto pode custar un pouco, mellor contactar cos informáticos da túa organización para que che guíen)

2) Cando sae a mensaxe de 'non coincide' aparece tamén unha opción do tipo 'quere que Windows substitúa o contrasinal que ten memorizado polo novo que vostede acaba de escribir?'. Contestando que si, memorizará o novo contrasinal (asegúrate de escribilo correctamente)

A nosa recomendación sería que optes (antes ou despois) pola primeira opción e que escribas o contrasinal de memoria en cada acceso.
O outro é un intento de Windows por facilitarlle a vida os usuarios. A seguridade nunca é cómoda, e temos que acostumarnos a renunciar á comodidade de non ter que escribir un contrasinal se a cambio garantimos mellores condicións de seguridade.