Inicio > Política Territorial > Sistema *IMI > Documentación > Formación > Preguntas habituales > 2009 > Abril > Campos de nome e descrición das autoridades

Campos de nome e descrición das autoridades

08/04/2009

Na descrición dunha autoridade é obrigatorio cubrir tres campos (tomado do boletín nº 1):

Denominación da autoridade: é o sitio axeitado para dar o nome orixinal da unidade (en calquera lingua -incluso non soportada pola Comisión-) e é un campo que non se traduce. Non se espera que teña especial utilidade para a localización de autoridades, posto que o nome oficial (p.ex. “Subdirección Xeral de …”, ou “Consellería de …”) non necesariamente aclara ben o papel que xoga como autoridade dentro de IMI.

Designación non oficial: si se traduce (débese escribir en castelán para que a Comisión o poida traducir) e o seu obxectivo é dar unha descrición curta e de maior utilidade que a denominación oficial sobre a función da autoridade.

Descrición da autoridade: permite unha descrición máis detallada (en castelán, posto que se traduce) que a que é posible a través da ‘designación no oficial’.

Pese a todo hai que ter en conta que ao realizar unha busca de autoridades, a lista que se obtén (e agás que nos decidamos a ‘abrir’ o detalle dunha autoridade concreta) segue amosando unicamente os campos de ‘denominación’ e ‘designación non oficial’, ademais do estado e o tipo de autoridade ou coordinador en cada ámbito lexislativo (directiva). Polo que segue sendo moi recomendable aclarar na descrición curta (a ‘designación non oficial’) o alcance da autoridade dentro do sistema (a ‘descrición longa’ non está dispoñible na relación de autoridades localizadas tras unha busca, só se pode acceder a esa información ao ver o detalle dunha autoridade). Por exemplo, nas autoridades competentes para cualificacións profesionais, recomendamos a inclusión explícita na descrición non oficial da profesión (e a rexión se son autoridades non nacionais). Cando o sistema mellore as súas opcións de busca e presentación de resultados poderase obviar esta recomendación, pero na actualidade sen seguila faise difícil discernir a autoridade correcta mediante a lista que se presenta.