Inicio > Política Territorial > Sistema *IMI > Documentación > Formación > Preguntas habituales > 2009 > Mayo > Utilidade das diferentes opcións en 'Amosar solicitudes'

Utilidade das diferentes opcións en 'Amosar solicitudes'

20/05/2009

(Vexa o <Boletín 2> para unha versión con imaxes)

Segundo o tipo de entidade da que un forma parte (autoridade competente ou algún tipo de coordinador), atopará no menú de ‘Amosar solicitudes’ diferentes opcións entre as seguintes (e de cuxas diferenzas e capacidades cómpre ser consciente):

- Lista de accións pendentes: Presenta aquelas solicitudes pendentes de actuación pola miña parte, tanto se nesa consulta se participa como coordinador ou como autoridade. É importante saber que cando a consulta está pendente de actuación polo outro estado pode non aparecer na lista de accións pendente da miña entidade pese a que se trate de consultas aínda non pechadas definitivamente e nas que participei desde o meu estado.
- Todas as solicitudes enviadas e recibidas pola miña autoridade: Esta opción só ofrece solicitudes directamente enviadas ou recibidas pola miña autoridade. Non presentaría, por exemplo, aquelas nas que actúo como coordinador pese a que son consultas nas que intervén a miña autoridade.
- Solicitudes das que son coordinador: Esta opción só ofrece aquelas solicitudes concretas nas que fun invocado como coordinador.
- Solicitudes doutras autoridades: Esta opción permite acceder a solicitudes doutras autoridades coas que manteño algún tipo de relación -xa sexa como supervisor, autoridade vinculada, etc.-.
- Buscar todas as solicitudes: é a busca máis ampla e personalizable, se ben presentará información só sobre consultas ás que teño dereito de monitorización -xa sexa por intervir nelas, ou por algún tipo de vinculación-).
- Lista de urxencias (co nº de días ‘urxentes’ definible por cada usuario), con opcións específicas que permiten:
       Ver as solicitudes cuxo prazo de resposta xa venceu
       Ver as solicitudes cuxo prazo de resposta vence en menos de [X] días
       Ver as solicitudes pendentes de aceptación desde hai máis de [X] días

Cada unha destas listas conta cun formulario de busca ou filtrado, que permite definir cales son as consultas que desexan presente o sistema. As opcións en cada un dos tipos de busca son moi semellantes, se ben só se presentan as opcións relevantes a cada unha das listas.