Inicio > Política Territorial > Sistema *IMI > Documentación > Formación > Preguntas habituales > 2009 > Mayo > Como conservar no meu propio expediente unha consulta

Como conservar no meu propio expediente unha consulta

20/05/2009

(Vexa o <Boletín 2> para unha versión con imaxes)

Cada vez que accedemos a unha consulta (a través por exemplo das diferentes opcións presentes no menú ‘Amosar solicitudes’) podemos ver (no separador ‘Resumo xeral’) detalles sobre as autoridades que interveñen, as preguntas e respostas, e outros moitos datos, pero existe tamén un segundo separador (‘Tramitación da solicitude’) ao que se pode acceder para ver o historial dos pasos seguidos por unha solicitude.
Cada un dos cambios de fase dentro do procedemento seguido para esa consulta pódense ver nese separador, con detalle da data na que se produciron e a autoridade e persoa que realizaron o paso en cuestión, así como as observacións que o acompañaron.

Ademais de poder consultarse en pantalla, a opción de 'Imprimir Informe' (que se pode invocar en calquera momento do procedemento) permitiría incluír este tipo de información nun informe escrito (xérase un ficheiro texto tipo word que podemos gardar ou imprimir se nos interesa a súa conservación en papel). Dado que se trata dun formato habitual (un ficheiro word) podemos tamén copiar e pegar se fose necesario sobre calquera outro modelo de informe que desexemos preparar.

Xerar un informe parcial ou exhaustivo (presumiblemente sen os datos persoais) ao pechar unha consulta pode ser unha forma de conservar para efectos internos unha copia da consulta (incluíndo o seu historial) no noso propio expediente (xa sexa papel ou electrónico).

En todo caso cómpre lembrar que as obrigas relativas a protección de datos persoais seguen existindo cando os datos se extraen do sistema IMI, polo que calquera conservación e/ou tratamento que se realice deberá contemplar adecuadamente as obrigas da lexislación nesa materia.