Inicio > Política Territorial > Política autonómica > Cooperación Estado-Comunidades Autónomas > Convenios de Colaboración > Artigo 6 da Lei 30/1992, de Réxime Xurídico das Administracións Públicas e do Procedemento Administrativo Común

Artigo 6 da Lei 30/1992, de Réxime Xurídico das Administracións Públicas e do Procedemento Administrativo Común

Artigo 6. Convenios de colaboración.

1. A Administración Xeral e os Organismos públicos vinculados ou dependentes da mesma poderán celebrar convenios de colaboración cos órganos correspondentes das Administracións da Comunidades Autónomas no ámbito das súas respectivas competencias.

2. Os instrumentos de formalización dos Convenios deberán especificar, cando así proceda:

a) Os órganos que celebran o convenio e a capacidade xurídica coa que actúa cada unha das partes.

b) A competencia que exerce cada Administración.

c) O seu financiamento.

d) As actuacións que se acorde desenvolver para o seu cumprimento.

e) A necesidade ou non de establecer unha organización para a súa xestión.

f) O prazo de vixencia, o que non impedirá a súa prórroga se así o acordan as partes asinantes do convenio.

g) A extinción por causa distinta á prevista no apartado anterior, así como a forma de terminar as actuacións en curso para o suposto de extinción.

3. Cando se cre un órgano mixto de vixilancia e control, este resolverá os problemas de interpretación e cumprimento que poidan exporse respecto dos convenios de colaboración.

4. Cando os convenios se limiten a establecer pautas de orientación política sobre a actuación de cada Administración nunha cuestión de interese común ou a fixar o marco xeral e a metodoloxía para o desenvolvemento da colaboración nunha área de interrelación competencial ou nun asunto de mutuo interese denominaranse Protocolos Xerais.

5. Cando a xestión do convenio faga necesario crear unha organización común, esta poderá adoptar a forma de consorcio dotado de personalidade xurídica ou sociedade mercantil.

Os estatutos do consorcio determinarán os fins do mesmo, así como as particularidades do réxime orgánico, funcional e financeiro.

Os órganos de decisión estarán integrados por representantes de todas as entidades consorciadas, na proporción que se fixe nos Estatutos respectivos.

Para a xestión dos servizos que se lle encomenden poderán utilizarse calquera das formas previstas na lexislación aplicable ás Administracións consorciadas. (Artigo redactado segundo a Lei 4/1999, de 13 de xaneiro)

top