Inicio > Delegacións > Delegacións do Goberno > Delegación do Goberno na Comunidade Autónoma do País Vasco ou de Euskadi > Actualidade > Notas de prensa > Notas > 2023 > Mayo > Guardia Zibilak bi pertsona atxilotu ditu Araban, lan-esplotazioa helburu duten gizakien trafikoagatik, eta ‘esklabotza moderno’aren mendeko 15 biktima erreskatatu ditu
Delegacións
- Delegacións
- Que é a Administración Xeral do Estado no Territorio?
- Normativa
- Delegacións do Goberno
- Delegación do Goberno na Comunidade Autónoma de Andalucía
- Delegado do Goberno
- Actualidade
- Proyectos, Campañas e Información
- Servicios y Directorio
- Subdelegación do Goberno en Sevilla
- Subdelegación do Goberno en Almería
- Subdelegación do Goberno en Cádiz
- Subdelegación do Goberno en Córdoba
- Subdelegación do Goberno en Huelva
- Subdelegación do Goberno en Xaén
- Subdelegación do Goberno en Málaga
- Subdelegación do Goberno en Granada
Guardia Zibilak bi pertsona atxilotu ditu Araban, lan-esplotazioa helburu duten gizakien trafikoagatik, eta ‘esklabotza moderno’aren mendeko 15 biktima erreskatatu ditu
![Guardia Zibilak bi pertsona atxilotu ditu Araban, lan-esplotazioa helburu duten gizakien trafikoagatik, eta ‘esklabotza moderno’aren mendeko 15 biktima erreskatatu ditu Guardia Zibilak bi pertsona atxilotu ditu Araban, lan-esplotazioa helburu duten gizakien trafikoagatik, eta ‘esklabotza moderno’aren mendeko 15 biktima erreskatatu ditu](/dam/es/portal/delegaciones_gobierno/delegaciones/paisvasco/actualidad/notas_de_prensa/notas/2023/05/2023-05-16/009.jpg)
16/05/2023
- Baldintza deitoragarrietan eta giza duintasunarekin bateraezinak ziren baldintzetan bizi zirenei, harrera-etxeak jarri zaizkie hainbat probintziatan.
- Operazioan zehar, simulatutako bi pistola, jardueren dokumentazio ugari eta eskudirua atzeman zituzten
Joan den astean, Guardia Zibilak Portugalgo Polizia Judizialarekin elkarlanean egindako “WORKER” operazioaren esparruan, Arabako Errioxan hainbat jarduera egin ziren delitu-sarea desegiteko eta gaur egun ‘esklabotza moderno’tzat jotzen denaren eraginpean dauden 15 pertsona askatzeko.
Ikerketa hauek otsailaren amaieran hasi ziren, zegoen egoeratik ihes egitea lortu zuen biktimetako batek Guardia Zibilari gertaeren berri eman zionean, eta horrek gainerako biktimak babestea eta ustezko erantzuleak atxilotzea eragin zuten ikerketak hastea ekarri zuen.
Denis Itxaso Gobernuaren ordezkariak azpimarratu du “biktimen bizi-baldintzak penagarriak eta deitoragarriak zirela. Langileek ostatu hartzen zuten higiezinen egoera osasungaitza ez zen bateragarria giza duintasunerako eska zitekeen gutxienekoarekin”.
Guardia Zibilak ‘esklabotza moderno’aren eredu batekin top egin du, non, erakunde juridiko bat balitz bezala, langile horien ‘jabetza’ menpean zuten pertsonarena izatera pasa zen. Horretarako, “mendekotasun ekonomikoa erabiltzen zuten, beren bizitzako eguneroko eta laneko edozein ekintza egitura zuzentzen zuen pertsonak menderatua, zaindua eta baimendua baitzegoen”. Itxasok adierazi duenez, “biktimak behartuta zeuden gizapetiko baldintzetan lan egitera, eta ezin zioten uko egin hertsadura, mehatxuak edo botere-abusua zirela eta”. Nagusitasun-posizioan zegoen pertsonak biktima horien lanaren kontura aberasten zen, haien lan-baldintza negargarriak kontuan hartu gabe.
“Askatutako pertsonak, guztiak ere portugaldarrak”, Itxasok gaineratu duenez, “jatorrizko herrialdean harrapatzen zituzten eta lan-jarduera egin behar zuten eremura eramaten zituzten. Bakar bat ere ez zegoen familian errotuta eta erabateko zaurgarritasun-egoeran zeuden”.
Lanak egin behar zituzten eremu geografikora iritsitakoan, egunean 12 orduko lanaldiak egitera behartzen zituzten, astean zazpi egunetan. Aipatzekoa da horietako batzuek, hilabetetan lan horiek egiten aritu ondoren, zor ekonomikoa sortzen zutela sareko buruarekin, eta horrek ‘esklabotza’ egoera horretan jarraitzera behartzen zituela, aurre egin ahal izateko.
Atxilotuen etxean sartzeko eta miatzeko eginbidea egin ondoren, 9.300 euro konfiskatu zituzten hondo bikoitz batean ezkutatuta, bi pistola simulatu eta ikertutako gertaerekin lotutako dokumentazio ugari. Gainera, jarduera kriminalarekin lortutako irabazietatik datozen bost ondasun higiezinen enbargoa eskatu da.
Kasuan aginpidea den epaitegiak behin-behineko espetxealdia agindu du gertakarien erantzuleentzat. Bitartean, Gizarte Gaietako Ministerioko Lan Ikuskaritzak zehapen-espedienteak ireki dizkie gertakarien ustezko egileen zerbitzuak erabiltzen zituzten enplegatzaile batzuei.
Biktimak Espainiako hainbat hiritako harrera-etxeetara eraman dituzte, haiek babesteko.
Egindako operazioan, Arabako eta Euskal Autonomia Erkidegoko Zonako Polizia Judizialeko unitateez gain, honako hauek ere esku hartu zuten: moneta-papera detektatzen duen Guardia Zibilaren txakur-unitate bat, Portugalgo Polizia Judizialeko Directoria do Norte-Seccao Regional de Combate ao terrorismo e Banditismo-a, Lan eta Gizarte Segurantzako Ikuskaritza eta Cruz Blancako gizakien salerosketan espezializatutako fundazio bateko gizarte-langileak.
Bai instruitutako eginbideak, bai atxilotuak, Vitoria-Gasteizko Instrukzioko 1 zenbakiko Epaitegiaren esku utzi dira.