Inicio > Delegacións > Delegacións do Goberno > Delegación do Goberno na Comunidade Autónoma de Galicia > Actualidade > Notas de Prensa > Notas > 2024 > Julio > María Rivas pon en valor os máis de 10 millóns de euros de investimento do Ministerio de Transportes para a actuación na A-6, A-8 e A-54

María Rivas pon en valor os máis de 10 millóns de euros de investimento do Ministerio de Transportes para a actuación na A-6, A-8 e A-54

23/07/2024

A campaña extraordinaria realizará 1.145 actuacións de mellora do firme nas autovías de toda Galicia, por un importe de máis de 23*M €. Son 590 as actuacións ao longo da A-6 ao seu paso pola comunidade, e 24 actuacións na A-54

As actuacións levarán a cabo durante o período estival para garantir a seguridade viaria e as condicións de circulación

Na A-6 xa se fixeron actuacións nos concellos de Arteixo, Carral, Abegondo, Betanzos, Coirós e Aranga. E na A-54 en Santiago de Compostela

O importe das actuacións na provincia da Coruña é de 4 millóns de euros, 3,6 na A-6 e 0,4 na A-54.

Os investimentos feitos polo Goberno na provincia desde o ano 2018 ascenden a 95,89*M €

A subdelegada do Goberno na Coruña, María Rivas, supervisou esta mañá o estado de execución das obras que se están levando a cabo na A-54. As actuacións do Ministerio de Transportes e Mobilidade Sustentable en relación coa campaña extraordinaria que se desenvolve no catro provincias ascende a 23 millóns de euros, destinando 10,5 millóns de euros do investimento total as actuacións na A-6, A-8 e A-54, sumando máis de 285 quilómetros entre a provincia da Coruña e Lugo.

A subdelegada, que estivo acompañada durante a visita do Xefe da Demarcación de Estradas, *Angel González Do Rio, subliñou o compromiso do Goberno por mellorar as condicións de circulación nas autovías da provincia e de toda Galicia, compromiso que se materializa non soamente a través da construción de novas infraestruturas, senón que tamén mediante o mantemento das xa existentes. Con tal, motivo o Ministerio de Transportes e Mobilidade Sustentable executará durante o período estival esta campaña extraordinaria de rehabilitación do firme en varias das autovías de Galicia.

En concreto levarán a cabo 1.145 actuacións en toda Galicia, ao longo de 535 quilómetros de autovías. Nas provincias de Lugo e Coruña estamos a falar de 590 actuacións ao longo da A-6 ao seu paso pola comunidade, e 24 actuacións na A-54 que hoxe foi obxecto de visita por parte da subdelegada.

Así na A-6 xa se fixeron actuacións nos concellos de Arteixo, Carral, Abegondo, Betanzos, Coirós e Aranga. E na A-54 en Santiago de Compostela. O importe das actuacións efectuadas na provincia da Coruña é de 4 millóns de euros, 3,6 nas actuacións da A-6 e 0,4 na autovía A-54.

Esta licitación por valor de 10.500.000 de euros, ten como obxectivo o de continuar cos investimentos do Estado en Galicia e na provincia, no que abarca ao mantemento de toda a rede viaria dando prioridade tamén ás melloras en materia de seguridade.

Neste sentido, María Rivas destacou que son 95,89 *M € os investidos na provincia da Coruña polo Goberno desde o ano 2018, cifra que ascende ata os 380 no conxunto de Galicia.

María Rivas quixo destacar o compromiso do Goberno con Galicia “atendendo actuacións tan demandadas como a da A-6, xa que é a autovía de saída desde o norte cara a meseta que atravesa ademais toda a provincia; ou a da A-54 que une Santiago con Arzúa”, dúas vías de gran importancia para o tráfico e as conexións da provincia “o que demostra que o Goberno está a apostar decididamente por unha rede segura con maiores prestacións para as persoas usuarias”.