Delegacións
- Delegacións
- Que é a Administración Xeral do Estado no Territorio?
- Normativa
- Delegacións do Goberno
- Delegación do Goberno na Comunidade Autónoma de Andalucía
- Delegado do Goberno
- Actualidade
- Información sobre la semana de la Administración Abierta
- Proyectos, Campañas e Información
- Servicios y Directorio
- Subdelegación do Goberno en Sevilla
- Subdelegación do Goberno en Almería
- Subdelegación do Goberno en Cádiz
- Subdelegación do Goberno en Córdoba
- Subdelegación do Goberno en Huelva
- Subdelegación do Goberno en Xaén
- Subdelegación do Goberno en Málaga
- Subdelegación do Goberno en Granada
Pedro Branco recoñeceu o traballo da Policía Nacional para combater a ameaza do terrorismo armado en Galicia na Comisaría de Lonzas
20/06/2024
O delegado do Goberno en Galicia, Pedro Branco, presidiu hoxe na Comisaría da Policía Nacional en Lonzas o acto en memoria das vítimas do terrorismo en Galicia, no que recoñeceu o traballo desenvolvido durante décadas para combater a ameaza do terrorismo armado en Galicia e “o sacrificio máximo destes profesionais: dar a súa vida no exercicio da súa profesión e na defensa de España”.
No transcurso do acto, no que tamén participaron o xefe superior de Policía de Galicia, Ramón Gómez Neto, e a subdelegada do Goberno na Coruña, María Rivas, Pedro Branco indicou que, “se hoxe vivimos en democracia e co grao de liberdade e tranquilidade do que gozamos, é polo esforzo de todos, pero en especial das Forzas e Corpos de Seguridade do Estado”.
Tamén aproveitou para trasladar ás familias das vítimas todo o seu agarimo e sinalar que, “aínda que a súa perda non ten consolo, si conta co agradecemento infinito dunha sociedade que agora vive en paz grazas ao seu labor e á súa entrega”.
Nesta liña, lembrou que Galicia é a terceira comunidade máis segura de España e un dos territorios con mellores cifras de Europa grazas ao traballo dos preto de 3.400 homes e mulleres policías nacionais que desenvolven o seu traballo na comunidade na defensa dos dereitos e liberdades da cidadanía, profesionais aos que animou a seguir “fortalecendo esta España, esta Galicia aberta, igualitaria e inclusiva, para garantir espazos de convivencia, de liberdade e de respecto”.