Delegacións
- Delegacións
- Que é a Administración Xeral do Estado no Territorio?
- Normativa
- Delegacións do Goberno
- Delegación do Goberno na Comunidade Autónoma de Andalucía
- Delegado do Goberno
- Actualidade
- Información sobre la semana de la Administración Abierta
- Proyectos, Campañas e Información
- Servicios y Directorio
- Subdelegación do Goberno en Sevilla
- Subdelegación do Goberno en Almería
- Subdelegación do Goberno en Cádiz
- Subdelegación do Goberno en Córdoba
- Subdelegación do Goberno en Huelva
- Subdelegación do Goberno en Xaén
- Subdelegación do Goberno en Málaga
- Subdelegación do Goberno en Granada
María Rivas sinala a importancia da participación e da colaboración cidadá en materia de seguridade
![María Rivas sinala a importancia da participación e da colaboración cidadá en materia de seguridade María Rivas sinala a importancia da participación e da colaboración cidadá en materia de seguridade](/dam/es/portal/delegaciones_gobierno/delegaciones/galicia/actualidad/notas_de_prensa/notas/2024/01/2023_01_24_01/1.jpeg)
24/01/2024
A subdelegada do goberno mantivo este encontro en Lonzas con máis de 70 representantes das asociacións veciñais, de comerciantes, ANPA´*s, colexios profesionais e entidades representativas doutros colectivos
Destaca que a colaboración e a cooperación son claves para a seguridade cidadá
A subdelegada do Goberno na Coruña, María Rivas, subliñou na reunión que presidiu hoxe nas instalacións da Policía Nacional de Lonzas, o esforzo e brillante traballo desenvolvido pola Policía Nacional na cidade da Coruña. Así o indicou no transcurso da reunión anual mantida polos responsables policiais con representantes do tecido asociativo e empresarial da cidade.
María Rivas, quixo transmitir unha mensaxe de confianza no traballo da Policía Nacional, ante a representación das asociacións veciñais, de comerciantes, de nais e pais, colexios profesionais e entidades representativas doutros colectivos; e transmitirlle que os datos avalan o bo traballo das Forzas e Corpos de Seguridade do Estado e indican que, en canto ao cómputo de infraccións con resultado penal as cifras son mellores que as do ano anterior.
Neste sentido a subdelegada do Goberno, manifestou que a taxa de criminalidade na cidade continúa a ser máis baixa que a media do estado, un 1,3% menos, e que tamén ,mostra unha baixada con respecto ao ano anterior.
Na súa intervención na reunión, María Rivas, apelou a que mantéñase o nivel de colaboración e confianza no bo facer da Policía Nacional e demais axentes de seguridade, porque os bos datos reflicten o seu traballo pero tamén son o resultado da colaboración de todas e todos.
A Comisaría da Coruña da Policía Nacional, conta actualmente cun total de 777 efectivos, o que supuxo un incremento de persoal do 5,14% con respecto ao ano 2018, froito da recuperación de efectivos a través do reforzo orzamentario e da convocatoria de emprego público.
Na reunión tamén se fixo mención aos resultados do Plan de Convivencia e Mellora da Seguridade Escolar nos Centros, resaltando a participación de 3 de cada 4 colexios, nas actividades programadas en materias como a ciberseguridade, o acoso escolar, a violencia contra as mulleres, as adiccións, etc.
Reiterou a necesidade de traballar na prevención e manifestou o firme compromiso do Goberno coas políticas de seguridade, como un dos eixos da súa acción, e púxose a disposición das entidades para establecer espazos de colaboración e diálogo, tal como veu facendo ata o momento.
Mostrou tamén a súa satisfacción coa colaboración e coordinación da Policía Nacional coa Policía Local, e agradeceu neste sentido a boa sintonía existente entre a subdelegación e o Concello.