Inicio > Delegacións > Delegacións do Goberno > Delegación do Goberno na Comunidade Autónoma de Galicia > Actualidade > Notas de Prensa > Notas > 2023 > Marzo > María Rivas pon en valor os 3.600 millóns de euros investidos polo Goberno na Coruña que benefician á cohesión da provincia e impulsan a recuperación económica e social

María Rivas pon en valor os 3.600 millóns de euros investidos polo Goberno na Coruña que benefician á cohesión da provincia e impulsan a recuperación económica e social

01/04/2023

A subdelegada contabiliza os 1.300 *milones consignados nos Orzamentos Xerais do Estado, aos que hai que engadir os 1.607 millóns de euros das transferencias ás administracións locais e os 515 millóns do Plan de Recuperación, Transformación e *Resiliencia

María Rivas destaca que “grazas a que Pedro Sánchez puxo as necesidades de Galicia como prioritarias na súa axenda política, a provincia da Coruña vese beneficiada de novas oportunidades tanto no ámbito económico como social”

En materia de infraestruturas, a subdelegada destacou o dragado da Ría do Burgo e a remodelación de Alfonso Molina na Coruña; as conexións ferroviarias aos portos de Ferrol e A Coruña ou a ligazón do Orbital en Santiago

María Rivas lembrou que 30.943 persoas na provincia da Coruña son beneficiarias do ingreso mínimo vital, “unha das máis importantes políticas de inclusión do Goberno de Pedro Sánchez no seu empeño de non deixar desprotexidas ás persoas máis vulnerables

A subdelegada do Goberno, María Rivas, puxo en valor os 3.600 millóns de euros investidos polo Goberno de Pedro Sánchez na provincia da Coruña, unha cantidade histórica no capítulo de investimentos do Estado na provincia e que ten como obxectivo darlle un ánimo á recuperación económica e social. Nesta cantidade inclúense os 515 millóns de euros do Plan de Recuperación, Transformación e *Resiliencia, os máis de 1.300 millóns consignados nos Orzamentos Xerais do Estado aos que hai que engadir 1.607 millóns en transferencias ás administracións locais.

“Grazas a que Pedro Sánchez puxo as necesidades de Galicia como prioritarias na súa axenda política, a provincia da Coruña vese beneficiada de novas oportunidades tanto no ámbito económico como social, dotando das ferramentas necesarias ao tecido industrial e empresarial para afrontar *importantísimos retos de futuro” subliñou a subdelegada quen tamén lembrou que “o Plan de Recuperación está a chegar a cada recuncho da nosa provincia mellorando a calidade de vida da cidadanía”.

A esta respecto de subdelegada apuntou que eses 515 millóns de euros investidos na provincia con cargo ao Plan de Recuperación permitiron levar a cabo máis de 5.800 proxectos.

“Grazas a estes fondos son moitas as iniciativas empresariais e sociais que están a xurdir na nosa provincia e que crean un escenario innovador nun territorio cada vez máis capacitado, máis cohesionado e por tanto máis xusto e igualitario”, sinalou a subdelegada.

Estas iniciativas concrétanse en actuacións como os preto de 31,5 millóns de euros que levarán internet de alta velocidade a máis de 52.000 fogares da provincia grazas ao Programa *UNICO-Banda Larga; os 25 millóns do Kit Dixital, que fomenta a dixitalización de máis de 9.000 empresas e autónomos; os os 10,8 millóns para proxectos singulares de enerxía limpa co programa *DUS 5000; os 13,5 millóns para a rehabilitación do Hostal dos Reis Católicos; os 11,5 millóns para os fondos de Transición Xusta; os 17 millóns do plan *INVEAT para a modernización e adquisición de equipos de alta tecnoloxía sanitaria, entre outros.

Infraestruturas

No que alcanza a infraestruturas, María Rivas *salientu o dragado da Ría do Burgo con 35,5 millóns de investimento “unha débeda histórica coa cidade da Coruña e a súa área metropolitana que o Goberno de Pedro Sánchez foi quen de desbloquear”. Lembrou tamén os 171 millóns do acceso ferroviario ao porto exterior da Coruña e os 92,5 millóns de euros ao de Ferrol. Destacou os 110 millóns de euros ás estacións intermodais da Coruña e Santiago; os 31 millóns para a remodelación de Alfonso Molina; os 16 millóns de euros ao trazado de largo métrico Ferrol-Ribadeo, con melloras substanciais na capacidade da liña e na regularidade da circulación; os 22,5 millóns de euros na ligazón do Orbital de Santiago que conectará a AP-9 coa A-54 creando un acceso directo desde autoestrada ao aeroporto; os 20,3 millóns aos proxectos de hidróxeno verde das Pontes e *Meirama ou os 56 millóns do taller de *subbloques en *Navantia e Ferrol.

María Rivas apuntou tamén o importante ánimo que o Goberno de Pedro Sánchez está a dar aos proxectos de humanización de diferentes vías ao seu paso por tramos urbanos como é o da Travesía do Milladoiro (7,88 millóns de euros) , en Ames ou a Avenida das *Pías (10,6 millóns de euros) en Ferrol. Con respecto a estas intervencións, a subdelegada subliñou “a vontade do Goberno de avanzar cara a unha mobilidade máis inclusiva e sustentable dando prioridade ás persoas”.

“O Plan de Recuperación e os investimentos do Goberno de Pedro Sánchez están a desbloquear proxectos que nalgúns casos levaban décadas esperando, agora son moitas as vilas e cidades que ao fin ven liquidadas débedas históricas grazas ao compromiso deste Goberno” subliñou María Rivas que puxo como exemplo a dragado da Ría do Burgo ou a remodelación de Alfonso Molina.

Neste sentido, a subdelegada do Goberno animou aos autónomos e ás empresas a non deixar pasar a “oportunidade única” que supón o Plan de Recuperación. A este respecto, citou como exemplo a comarca de Ferrol, onde o contrato para a construción das fragatas *F-110 en *Navantia e a aposta da empresa pública pola eólica mariña están a provocar un rexurdimento a actividade industrial na comarca, que se verá reforzado cos proxectos de transición xusta que levarán a cabo na contorna das antigas centrais térmicas de carbón das Pontes e *Meirama.

A subdelegada tampouco esqueceu o esforzo investidor que está a desenvolver o Goberno de Pedro Sánchez na conservación e mantemento da rede de estradas na provincia con máis de 75 millóns de euros desde o 2018. *Maria Rivas insistiu no compromiso “claro e firme do Goberno por recuperar o tempo perdido en infraestruturas da provincia tomando decisión e facendo investimentos históricas”

María Rivas destacou outro fito importante para Coruña como a designación da cidade como sede da *AESIA, Axencia Española de Supervisión da Intelixencia Artificial que “sen dúbida impulsará a modernización da nosa economía”.

Gasto social

O gasto social foi un dos capítulos sobre a que María Rivas fixo fincapé xa que representa un de cada seis euros dos orzamentos. A subdelegada subliñou a sensibilidade do Goberno cuns orzamentos que “blindan aos colectivos máis vulnerables, como pensionista, xente nova ou clase media traballadora impedindo que ninguén quede atrás”.

Neste sentido lembrou as 30.943 persoas na provincia da Coruña beneficiarias do ingreso mínimo vital, “unha das máis importantes políticas de inclusión e de redistribución de renda do Goberno de Pedro Sánchez no seu empeño de non deixar desprotexidas ás persoas máis vulnerables”. Destacou tamén as 33.491 beneficiarias do bono social eléctrico e as 5.362 do bono cultural no 2022.

Ademais a subdelegada reivindicou o esforzo investidor do Goberno que na provincia destinou 7,75 millóns de euros á construción de 58 vivendas para aluguer social e 26,4 millóns de euros a bolsas de estudos que puideron gozar 13.948 persoas bolseiras da provincia.

“Estes son só algúns dos datos que mostran o resultado do esforzo e compromiso do Goberno de Pedro Sánchez coa cidadanía, un Goberno que desde o primeiro momento priorizou ás persoas e que puxo o todo o seu empeño en paliar os efectos dunha pandemia para que ninguén quedase no camiño” sinalou María Rivas. “Un goberno que nos axuda a todas e todos a ser máis *resilientes e camiñar cara adiante con paso firme e decidido”, concluíu María Rivas.