Delegacións
- Delegacións
- Que é a Administración Xeral do Estado no Territorio?
- Normativa
- Delegacións do Goberno
- Delegación do Goberno na Comunidade Autónoma de Andalucía
- Delegado do Goberno
- Actualidade
- Proyectos, Campañas e Información
- Servicios y Directorio
- Subdelegación do Goberno en Sevilla
- Subdelegación do Goberno en Almería
- Subdelegación do Goberno en Cádiz
- Subdelegación do Goberno en Córdoba
- Subdelegación do Goberno en Huelva
- Subdelegación do Goberno en Xaén
- Subdelegación do Goberno en Málaga
- Subdelegación do Goberno en Granada
O delegado do Goberno comprométese a trasladar ao Goberno as demandas de maior financiamento da Real Academia Galega
25/06/2019
Reitera ante o presidente da Real Academia o compromiso do Goberno de España coa promoción e uso do galego
Javier Losada reuniuse co presidente da Real Academia, Victor F. Freixanes, a quen lle transmitiu este apoio institucional
O delegado do Goberno en Galicia, Javier Losada, realizou hoxe unha visita institucional á sede da Real Academia Galega, onde mantivo unha xuntanza co seu presidente, Victor F. Freixanes.
A visita serviu para reiterar o compromiso do Goberno de España co uso institucional da lingua galega, e así o manifestou Javier Losada no Libro de Honra da RAG, onde insistiu na súa disposición “para que este legado que nos fai únicos siga contando co máximo apoio institucional”.
O delegado do Goberno comprometeuse a trasladar ao Goberno central as demandas de maior financiamento da Institución “ao mesmo nivel que outras reais academias”, lembrando que a partida destinada a RAG debe “estar en consonancia co tesouro que significa a nosa lingua para os galegos e as galegas”.
A Delegación do Goberno organizará no próximo ano un programa de actos con gallo do Día das Letras Galegas, ao igual que se fai con outras celebracións, como o 25-N. O obxectivo é facer visible o apoio do Goberno de España coa promoción e uso da lingua galega, fundamentalmente no que se refire ás institucións estatais ubicadas en Galicia e nas súas relacións coa sociedade galega.