Gobernuak milioi erdi euro baino gehiago jarri ditu Punta Begoñako Galerien erreformarako
![Gobernuak milioi erdi euro baino gehiago jarri ditu Punta Begoñako Galerien erreformarako Gobernuak milioi erdi euro baino gehiago jarri ditu Punta Begoñako Galerien erreformarako](https://www.mptfp.gob.es/dmsweb/es/portal/delegaciones_gobierno/delegaciones/paisvasco/actualidad/notas_de_prensa/notas/2021/11/2021_11_23_2/puntabeg.jpeg.jpeg)
23/11/2021
%1,5 Kulturalen kontura
- Gobernuaren ordezkariak Punta Begoñako Galerien zaharberritzea bisitatu du, Espainiako Gobernuaren Kulturalen %1,5eko programako funtsak dituena
- Denis Itxaso: “Jarduera hau beste urrats bat da getxotarrek asko maite duten eta era berezian udalerriko itsasertzeko paisaia markatzen duen eraikin historikoren osotasuna berreskuratzeko administrazioek egiten dituzten ahaleginetan”
Getxoko Punta Begoñako Galerien irudi ikonikoaren distira berreskuratzea da konplexu horretan garatzen ari den zaharberritzearen helburuetako bat. Berreskuratzearen aldeko apustua egin duen Espainiako Gobernuaren laguntza ekonomikoa du. Ricardo Bastidak 1918an Horacio Echevarrieta handikiaren enkarguz eraikitako eraikina berreskuratzeko lanak bisitatu ditu gaur Denis Itxaso Gobernuko ordezkariak Getxon (Bizkaia). Amaia Agirre herriko alkateak eta Maria Peraita Punta Begoña Fundazioko zuzendari kudeatzaileak anfitrioi lanak egin zituzten eta aurrerapenak azaldu zizkioten ordezkariari.
Lanak honako hauetan oinarritzen dira: egiturari dagokionez finkatu beharreko espazioak iragazgaiztea eta babestea; galeriaren egitura finkatzea eta sendotzea; arotzeriak gehitzea eta fatxadak berreskuratzea. Lanak 2022ko ekainean amaitzea aurreikusten da.
Hain zuzen ere, esku-hartzerik garrantzitsuena fatxadetan zentratzen da, haien distira berreskura dezaten. Denis Itxasok adierazi duenez, “Punta Begoñako galeriek oso era bereizgarrian markatzen dute Getxoko itsasertzeko paisaia. Jarduera hau beste urrats bat da getxotarrek asko maite duten eraikin historiko baten osotasuna berreskuratzeko administrazioek egiten dituzten ahaleginetan.”
Galeriek asmo handiko erreforma sakona egin behar dute, milioi bat euro inguruko inbertsioa eginez. Gobernu zentralak %50 (524.000 euro) baino gehiago ordaintzen du ondarea kontserbatzeko programaren bidez (%1,5 Kultural). Garraio, Mugikortasun eta Hiri Agenda Ministerioak bideratutako programa hau Estatuko Administrazio Orokorraren tresna nagusia da Espainiako herri eta hirietako ondare historiko, kultural eta artistikoaren kontserbazioa bermatzeko.
Bisitan, ordezkariak zaharberritze-lanen aurrerapena egiaztatu ahal izan du. “Ondare hori berreskuratzea oso garrantzitsua da zonalderako. Berregokitzeak erabilera turistikoa, kulturala eta pedagogikoa ematea ahalbidetuko du”.
Bestalde, Amaia Agirre Getxoko alkateak nabarmendu zuen Espainiako Gobernuaren Garraio, Mugikortasun eta Hiri Agenda Ministerioarekin eta Eusko Jaurlaritzako Kultura eta Hizkuntza Politika Sailak batera egindako apustua, ondareak errentagarritasun soziala izan dezan eta Punta Begoña “kultura-, gizarte- eta ekonomia- sorkunde eta berritze motor sortzeko eta berritzeko motor bihur dadin”. Agirrek adierazi du Udalak bat egin nahi duela %1,5 Kultural etorkizuneko deialdiekin.
Programa %1,5 Kultural
Ondare historiko artistikoa kontserbatzeko programaren %1,5 Kultural arloko jardueren artean, honako hauek izan dira Euskadin egin diren azken jarduketak:
- Aizpeako meategiko kiskaltze-labeak lehengoratzea, Zerainen (Gipuzkoa) (530.137,23 euroko diru-laguntza).
- Mutiloako (Gipuzkoa) Errotatxo errota kontserbatzea eta birgaitzea (185.639,66 euroko diru-laguntza).
- Donostiako Artzain Onaren katedraleko dorrea zaharberritzea (819.402 euroko diru-laguntza).
- Vitoria-Gasteizko Santa Maria katedraleko Santa Anako portada zaharberritzea (287.842,67 euroko diru-laguntza).