Pedro Branco defende as políticas europeas como instrumento para garantir os dereitos das galegas e galegos
08/05/2024
O delegado do Goberno en Galicia pon de relevancia o compromiso do Executivo, co ministro Luís Planas á cabeza, co sector pesqueiro
Subliña os valores profundamente *europeístas do Goberno de Pedro Sánchez e alerta sobre a proliferación dos discursos que *socavan os principios da Unión Europea
Destaca a *EFCA como exemplo de organismo que garante a igualdade de condicións no conxunto de Europa, neste caso para os profesionais da pesca
Pedro Branco lembra que os fondos do Plan de Recuperación que están a chegar a Galicia para mellorar a vida da súa xente “fano da man de Europa”
O delegado do Goberno en Galicia, Pedro Branco, destacou a importancia das políticas europeas para garantir os dereitos das galegas e galegos. Fíxoo no acto de celebración do ′Día de Europa′ organizado pola Axencia Europea de Control da Pesca (*EFCA) en Vigo. Ao acto tamén asistiu o subdelegado do Goberno en Pontevedra, Abel Losada.
O delegado destacou o papel da Axencia como *garantizadora da igualdade de condicións entre todos os profesionais do sector pesqueiro en Europa e da sustentabilidade “en beneficio das xeracións presentes e futuras”. Pedro Branco subliñou tamén o compromiso do Goberno de España co sector, liderado polo ministro, Luís Planas, que se traduce, entre outros, nos 48 millóns de euros destinados no 2023 a gasóleo pesqueiro ou os 40 millóns do *PERTE Mar-Industria.
“Desde Goberno de Pedro Sánchez reforzaremos a colaboración co sector para asegurar o futuro dunha actividade fundamental no desenvolvemento económico e social de Galicia, nun escenario de grandes retos para Europa”, incidiu.
Pedro Branco tamén fixo fincapé “no compromiso cos valores europeos dun Goberno de España liderado por Pedro Sánchez que marca o camiño cara unha nova Unión Europea forte ante as dificultades e as ameazas, nun momento no que máis de 400 millóns de europeos estamos chamados ás urnas”.
Neste sentido, alertou sobre a proliferación dos discursos *anti-*europeístas que *socavan os principios dunha Unión Europea, que “todas e todos debemos defender nos comicios do próximo 9 de xuño”.
“Fronte as falacias e medias verdades” o delegado reivindicou as políticas europeas, “que fan posible a creación de dereitos para as persoas, como se *ejemplifica nas novas normativas en materia ambiental, nas reformas do mercado enerxético, na crise provocada pola guerra en Ucraína ou na resposta dada ao sucedido coa Covid-19, tanto a nivel sanitario como a través dun Plan de Recuperación, que tres anos despois da súa posta en marcha deixa en Galicia 3.800 millóns de euros, máis de 1.000 convocatorias abertas e máis de 42.000 beneficiarios”.
Neste sentido, lembrou que estes fondos que están a chegar a Galicia e mellorando a vida da súa xente e o seu tecido empresarial e industrial, “fano da man de Europa”.
“Porque o proxecto común europeo permítenos superar os perigos e ameazas unidos, pondo aos nosos cidadáns e cidadás sempre en primeiro plano”, concluíu.