Abel Losada subliña a importancia de concienciar os menores sobre a súa seguridade no manexo de internet
![Abel Losada subliña a importancia de concienciar os menores sobre a súa seguridade no manexo de internet Abel Losada subliña a importancia de concienciar os menores sobre a súa seguridade no manexo de internet](/dam/es/portal/delegaciones_gobierno/delegaciones/galicia/actualidad/notas_de_prensa/notas/2024/03/2024_03_19/2024_06_19_04/20240619_SP_NdP.jpg)
19/06/2024
O subdelegado felicita aos nenos e nenas que superaron o curso e animounos a ser embaixadores do bo uso das redes
*Insisite na necesidade de reforzar a participación dos proxenitores na sesión do Plan Director
Pontevedra, 19 de xuño de 2024.- O subdelegado do Goberno en Pontevedra, Abel Losada, fixo hoxe entrega dos carnés de *ciberexperto “” aos 19 alumnos e alumnas de sexto de primaria do CEIP de Marcón de Pontevedra que superaron as accións formativas sobre ciberseguridade enmarcadas no Plan Director para a Convivencia nos Centros Educativos, que a nivel provincial desenvolven tanto a Policía Nacional como a Garda Civil e no que participaron o ano pasado 34.500 estudantes.
Acompañado polo comisario provincial, Juan José Díaz; e pola directora do centro educativo, Carmen Lens, o subdelegado felicitou ao alumnado pola superación deste curso, recalcando a importancia de coñecer non só as vantaxes, senón tamén os riscos que implican o uso das tecnoloxías.
Nesta liña, animou aos nenos e nenas a transmitir os coñecementos adquiridos ao resto de alumnado do colexio, así como á súa contorna familiar, para axudar a pais, nais avós e avoas no uso das novas tecnoloxías. Losada lembrou que desde a Subdelegación está a tratarse de promover de maneira pioneira de face o próximo curso a convocatoria de charlas especificamente dirixidas ao colectivo de nais e pais, pois son os que menos se involucran neste plan a pesar de xogar un papel fundamental na educación e prevención fronte os riscos de internet na infancia.
O subdelegado insistiu na necesidade de reforzar a participación dos proxenitores na sesión do Plan Director mediante a celebración de sesións conxuntas, agrupando ás e garantindo así o incremento da afluencia.