María Rivas subliña a aposta do Goberno por achegar a Administración á cidadanía para reforzar a cohesión territorial e a igualdade de acceso aos servizos públicos
08/11/2022
Avanza a Seguridade Social, Tráfico, Servizo Público de Emprego e Facenda a iniciativa “A Administración preto de ti” que acaba de pór en marcha o Ministerio de Política Territorial
Este programa posibilitará ás persoas que residen en concellos de ata 8.000 habitantes a realización de varias xestións administrativas que dependen do Estado desde as súas localidades de residencia
Únese a outros programas xa operativos como os carteiros rurais, que permiten realizar envíos e pagos desde o domicilio
A subdelegada do Goberno na Coruña, María Rivas, subliñou hoxe a aposta do Goberno de Pedro Sánchez por achegar a Administración á cidadanía, como instrumento para avanzar na cohesión territorial e social “garantindo a igualdade de acceso aos servizos públicos independentemente da localidade de residencia”. María Rivas remarcou esta política na reunión que mantivo con responsables na provincia de distintos organismos públicos estatais, onde lles avanzou as liñas xerais do programa “A Administración preto de ti”, que está a despregar o Ministerio de Política Territorial desde a pasada semana.
A subdelegada lembrou que o Goberno de España traballa nesta lexislatura co obxectivo de proporcionar ás persoas que residen fóra das cidades e en pequenos concellos o acceso aos servizos públicos esenciais, entre os que se atopan os trámites administrativos máis habituais. Son iniciativas que se sitúan en liña coas políticas de reto demográfico, entre as que se atopan o programa de carteiros rurais, que xa permiten realizar xestións, envíos e pagos desde o domicilio, ou a instalación de caixeiros automáticos en pequenas localidades.
A subdelegada apuntou que o Ministerio de Política Territorial suma a estas iniciativas o programa “A Administración preto de ti”, que chegará a máis de 3.000 municipios de toda España de menos de 8.000 habitantes. María Rivas avanzou que esta iniciativa quere evitar os desprazamentos e achegar e facilitar xestións administrativas dependentes do Estado para que as persoas que residen nestes pequenos concellos non teñan que percorrer quilómetros para facelo.
A la reunión de hoy han asistido: la vicesecretaria de la Delegación del Gobierno, Eva Vázquez; el director provincial del SEPE, Carlos del Canto; el director provincial de la Tesorería de la Seguridad Social, Miguel Planas; la directora provincial de INSS, Eva Fernández; el secretario de la Delegación de Economía y Hacienda, Alfonso Álvarez; la gerente territiral de Justicia, Marta García; y el subjefe provincial de Tráfico, Adrián Pereira.