Delegacions
- Delegacions
- Què és l'Administració General de l'Estat al Territori?
- Normativa
- Delegacions del Govern
- Delegació del Govern a la Comunitat Autònoma d’Andalusia
- Delegat del Govern
- Actualitat
- Proyectos, Campañas e Información
- Servicios y Directorio
- Subdelegació del Govern a Sevilla
- Subdelegació del Govern a Almeria
- Subdelegació del Govern a Cadis
- Subdelegació del Govern a Còrdova
- Subdelegació del Govern a Huelva
- Subdelegació del Govern a Jaén
- Subdelegació del Govern a Màlaga
- Subdelegació del Govern a Granada
Isabel Rodríguez atende as demandas dos hostaleiros da provincia tralas novas restriccións fixadas pola Xunta
12/11/2020
A subdelegada lembra que, desde marzo, o Goberno pon a disposición do sector os ERTEs, axudas a autónomos e unha liña de avais do ICO
Esta mesma semana, o Ministerio de Inclusión e Seguridade Social tomou medidas para facer máis fácil o acceso dos hostaleiros ás axudas para autónomos
A subdelegada do Goberno, Isabel Rodríguez, comprende e comparte a preocupación dos hostaleiros da provincia polo prexuizo económico que lle ocasiona ao sector o peche de locais de hostalería decidido pola Xunta para tratar de frear a expansión do coronavirus. A subdelegada recibiu esta mañá a una representación do colectivo de hostaleiros, encabezada polo presidente da APEHL, Cheché Real, e o secretario xeral da CEL, Jaime López, que lle trasladaron as demandas do sector para paliar as perdas que lles ocasiona o peche dos seus negocios.
Isabel Rodríguez recolleu as súas peticións e lembroulles que o peche de locais de hostalería foi imposta pola Xunta de Galicia.
En todo caso, a subdelegada, que xa mantivo varias reunións nas últimas semanas coa asociación de hostaleiros da provincia, destacou que desde o pasado mes de marzo o Goberno adoptou numerosas medidas de apoio aos distintos sectores afectados pola crise orixinada pola pandemia, como poden ser os ERTEs, as axudas a persoas autónomas ou unha liña de avais do ICO.
Esta mesma semana, o Ministerio de Inclusión e Seguridade Social anunciou a flexibilización dos re quisitos para o acceso dos hostaleiros á prestación extraordinaria por suspensión de actividade destinada aos traballadores autónomos.
Deste xeito, os hostaleiros que non realicen servizo a domicilio ou de recollida en local poderán presentar unha declaración responsable para acceder a esta prestación. O importe da prestación oscila entre o 50% e o 90% da base mínima de cotización que corresponda pola actividade desenvolvida. Ademais, queda exonerado de pagar as cotas pero o período cóntalle como cotizado.
Ademais, os traballadores autónomos, tanto se realizan actividade a domicilio como se non, poden solicitar a prestación compatible coa actividade se rexistran unha caída de facturación do 75% respecto ao último trimestre do ano pasado ou do 50% en relación co primeiro trimestre de 2020.
Ademais, a subdelegada informou aos representantes do sector da hostalería de que o Goberno traballa nun plan de apoio á hostalería consensuado coas comunidades autónomas e a FEMP, así como noutras medidas como a ampliación dos períodos de carencia e de amortización dos créditos ICO.