Delegacions
- Delegacions
- Què és l'Administració General de l'Estat al Territori?
- Normativa
- Delegacions del Govern
- Delegació del Govern a la Comunitat Autònoma d’Andalusia
- Delegat del Govern
- Actualitat
- Proyectos, Campañas e Información
- Servicios y Directorio
- Subdelegació del Govern a Sevilla
- Subdelegació del Govern a Almeria
- Subdelegació del Govern a Cadis
- Subdelegació del Govern a Còrdova
- Subdelegació del Govern a Huelva
- Subdelegació del Govern a Jaén
- Subdelegació del Govern a Màlaga
- Subdelegació del Govern a Granada
Emilio González pide aos ourensáns que manteñan o esforzo de illamento para frear a propagación do virus COVID-19
06/04/2020
O subdelegado informa de que durante a fin de semana as forzas de seguridade do Estado detiveron a 3 persoas na provincia e realizaron 136 propostas de sanción por saltar as medidas de loita contra o coronavirus.
Os controis para evitar desprazamentos a segundas residencias e a lugares de ocio manteranse durante toda a Semana Santa.
O subdelegado do Goberno, Emilio González Afonso, pediu hoxe á cidadanía ourensá que non baixe a garda e manteña o esforzo de illamento para frear a propagación do virus COVID-19, na cuarta semana das medidas do estado de alarma.
Emilio González quixo manifestar o seu agradecemento pola comprensión da gran maioría da cidadanía, incidindo en que na provincia de Ourense se observa un elevado grao de cumprimento das medidas establecidas polo Goberno para evitar a propagación do coronavirus e lembra que a única maneira de frear a cadea de contaxio é quedarse na casa.
A pesar do respecto maioritario, o subdelegado do Goberno alertou sobre as 136 propostas de sanción, unidas ás 3 detencións levadas a cabo polas forzas e corpos de seguridade do Estado na provincia durante a fin de semana. Neste sentido, Emilio González lembrou que a gravidade dese comportamento carrexa sancións por incumprir o estado de alarma que oscilan entre 601 e 30.001 euros.
Así mesmo, Emilio González informou de que os controis para evitar desprazamentos a segundas vivendas ou zonas de ocio se estenderán durante toda a Semana Santa. Neste sentido, apelou á necesidade de permanecer nos domicilios e cumprir a normativa para frear a propagación do virus, resaltando a importancia especial de axudar así a salvar vidas das persoas máis vulnerables, ademais de protexer aos profesionais que están máis expostos, como o persoal sanitario, as forzas de seguridade e as persoas que traballan en servizos esenciais como alimentación ou transportes.