Delegacions
- Delegacions
- Què és l'Administració General de l'Estat en el Territori?
- Normativa
- Delegacions del Govern
- Delegació del Govern a la Comunitat Autònoma d’Andalusia
- Delegat del Govern
- Actualitat
- Proyectos, Campañas e Información
- Servicios y Directorio
- Subdelegació del Govern a Sevilla
- Subdelegació del Govern a Almeria
- Subdelegació del Govern a Cadis
- Subdelegació del Govern a Còrdova
- Subdelegació del Govern a Huelva
- Subdelegació del Govern a Jaén
- Subdelegació del Govern a Màlaga
- Subdelegació del Govern a Granada
O subdelegado do Goberno en Ourense recibe á nova directora provincial de MUFACE
06/04/2021
O subdelegado do Goberno en Ourense, Emilio González, recibiu esta mañá á nova directora provincial da Mutualidade Xeral de Funcionarios Civís do Estado (MUFACE) en Ourense, Laura Velázquez Santiago.
O seu nomeamento foi publicado no BOE o pasado 25 de marzo, incorporándose ao posto no día de hoxe. Durante o encontro, Emilio González desexoulle unha frutífera etapa no seu novo desempeño profesional á fronte de MUFACE, organismo público encargado de xestionar a asistencia sanitaria e social ao colectivo de funcionarios adscritos.
A nova directora de MUFACE en Ourense é licenciada en Dereito pola Universidade de Valladolid e conta cun máster universitario en Dereito Penal pola Universidade de Salamanca e cun Posgrao sobre a Unión Europea na Escola Diplomática.
Laura Velázquez exerceu nos anos 2015 e 2016 como xurista de Institucións Penitenciarias nos centros penitenciarios de Madrid V (Soto del Real) e Las Palmas I (El Salto del Negro). Entre os anos 2016 e 2019 desempeñou o cargo de subdirectora de Tratamento e Xestión no Centro de Inserción Social de Palma de Mallorca e dende o ano 2019 mantiña a súa praza de xurista no centro penitenciario de Pereiro de Aguiar.
Así mesmo, participou como docente no curso formativo do Corpo de Axudantes de Institucións Penitenciarias nos anos 2017, 2018 e 2019 impartindo os módulos relativos a Dereitos fundamentais e garantías e Medio aberto, penas e medidas alternativas e acción social. No ano 2019 tamén formou parte do grupo de traballo na Secretaría Xeral de Institucións Penitencias para a elaboración da normativa reguladora do medio aberto penitenciario.