Inici > Delegacions > Delegacions del Govern > Delegació del Govern a la Comunitat Autònoma de Galícia > Actualitat > Notes de premsa > Notas > 2020 > Septiembre > A Delegación do Goberno informa de que as forzas de Seguridade do Estado suman cerca de medio centenar de detidos e investigados por incendios forestais en Galicia este ano
Delegacions
- Delegacions
- Què és l'Administració General de l'Estat en el Territori?
- Normativa
- Delegacions del Govern
- Delegació del Govern a la Comunitat Autònoma d’Andalusia
- Delegat del Govern
- Actualitat
- Proyectos, Campañas e Información
- Servicios y Directorio
- Subdelegació del Govern a Sevilla
- Subdelegació del Govern a Almeria
- Subdelegació del Govern a Cadis
- Subdelegació del Govern a Còrdova
- Subdelegació del Govern a Huelva
- Subdelegació del Govern a Jaén
- Subdelegació del Govern a Màlaga
- Subdelegació del Govern a Granada
A Delegación do Goberno informa de que as forzas de Seguridade do Estado suman cerca de medio centenar de detidos e investigados por incendios forestais en Galicia este ano
10/09/2020
Entre xuño e agosto detivéronse ou investigáronse a 38 personas por este motivo
Javier Losada reitera a petición de extremar as precaucións no monte ante as xornadas solleiras e con vento que se están a dar nestos primeiros días de setembro
A Delegación do Goberno informou hoxe de que as forzas e corpos de seguridade do Estado suman 49 persoas detidas ou investigadas por incendios forestais na Comunidade este ano, incluíndo os primeiros días de setembro.
O periodo con maior actividade foi o de xuño a agosto, onde se rexistraron 38 detidos ou investigados, sumando tres cuartas partes das actuacións de todo o ano. Por meses, o peor foi xullo, con quince persoas detidas ou investigadas (seis en Ourense, tres na Coruña, tres en Lugo e tres en Pontevedra), seguido de agosto, con trece detidos ou investigados (sete en Ourense e dous en cada unha das outras provincias) e xuño, con dez, dos cales cinco corresponden a Ourense, un á Coruña e dous tanto Lugo como Pontevedra. En maio houbo dous (Ourense), en abril, un (Lugo), en marzo, cinco (catro en Ourense e un en Lugo) e, en febreiro, dous detidos ou investigados (en Ourense).
Por provincias, Ourense acumula no que vai de ano 28 persoas detidas/investigadas, o que supón o 55% do total de Galicia. Séguenlle, por orde, Lugo con nove, e A Coruña e Pontevedra con cinco cadansúa provincia.
O delegado do Goberno en Galicia, Javier Losada, fai nestas datas un chamamento á cidadanía para extremar as precaucións no monte galego, en xornadas que repiten un mesmo patrón meteorolóxico (calor, seca e vento forte) que eleva ao máximo o risco de incendios forestais en todo o territorio. Así mesmo reiterou a necesidade de avisar aos Corpos e Forzas de Seguridade sobre calquera imprudencia ou conduta incendiaria para facilitar as investigacións e a detención dos posibles autores.
O delegado do Goberno en Galicia lembrou que o Estado pon ao dispor da Xunta, ademais das forzas de seguridade reforzadas no verán, ao persoal da Brilat e da Unidade Militar de Emerxencias nestas tarefas de vixilancia, prevención e extinción de incendios.