Home > Delegations > Delegations in Autonomous Communities > Government Delegation in the Autonomous Community of the Basque Country > News > Press Releases > Notas > 2022 > Noviembre > Itxaso: “Gobernuaren Ordezkaritzak ‘Administrazioa zugandik gertu’ jarriko du martxan, EAOren zerbitzuak udalerri txikietara hurbilduz”
Delegations
- Delegations
- What is the General State Administration in the Territory?
- Legislation
- Delegations in Autonomous Communities
- Government Delegation in the Autonomous Community of Andalusia
- Government Delegate
- News
- Proyectos, Campañas e Información
- Servicios y Directorio
- Government Sub-delegation in Seville
- Government Sub-delegation in Almeria
- Government Sub-delegation in Cadiz
- Government Sub-delegation in Cordoba
- Government Sub-delegation in Huelva
- Government Sub-delegation in Jaen
- Government Sub-delegation in Malaga
- Government Sub-delegation in Granada
Itxaso: “Gobernuaren Ordezkaritzak ‘Administrazioa zugandik gertu’ jarriko du martxan, EAOren zerbitzuak udalerri txikietara hurbilduz”
30/11/2022
- Denis Itxaso EAEko Gobernuaren ordezkariak Muskizko eta inguruko alkateei aurkeztu die herritarrei, mugitu behar izan gabe, zerbitzu publikoez baliatzeko aukera ematen dien proiektua
- Gobernuaren Ordezkaritzako eta Ordezkariordetzetako langileak Euskadiko udaletara joango dira herritarrei hainbat gai izapidetzen laguntzeko, hala nola sinadura digitala (Cl@ve eta ziurtagiri digitala), zerbitzu publikoetara joan beharrik gabe sartzeko aukera ematen duena
“Administrazioa herritarrengana hurbiltzea gizarte- eta lurralde-kohesioa indartzeko, arrakala digitalari aurre egiteko eta aukera-berdintasuna indartzeko”. Horrela aurkeztu die gaur arratsaldean Denis Itxaso EAEn Gobernuaren ordezkariak ‘Administrazioa zugandik gertu’ programa pilotua Muskizko eta inguruko herrietako alkateei. Programa honen ezaugarriak azaldu ditu Itxasok Muskizko Udaletxean egindako topaketan.
Ekimen honen helburua da joan-etorriak saihestea, kudeaketak hurbiltzea eta errazago egitea, herritarrek Gobernuaren Ordezkaritzetara eta Ordezkariordetzetara kilometroz kilometro joan beharrik izan ez dezaten. Hau da, “administrazioa herritarrengana hurbiltzea gizarte- eta lurralde-kohesioa indartzeko, arrakala digitalari aurre egiteko eta aukera-berdintasuna indartzeko”, Itxasok Tolosaldeako Eskualdeko Garapen Agentziaren egoitzan adierazi duenez. Bileran Vicente Reyes Bizkaiko Gobernuaren ordezkariordeak ere parte hartu du hemendik aurrera Ordezkariordetzak Bizkaian zenbait etapetan garatuko duen planaren alderdi batzuk zehaztuz.
Gobernuaren Euskal Autonomia Erkidegoko Ordezkaritzako eta Gobernuaren hiru Ordezkariordetzetako langileek, lehenengo fasean, autonomia-erkidegoko guztira XXX udalerri bisitatuko dituzte, 500-8.000 biztanle dituztenak: 66 Bizkaian, 43 Gipuzkoan eta 30 Araban. “Funtzionarioak herri bakoitzera joango dira "Administrazioa Zugandik Gertu" goiburua duten ibilgailu kustomizatuetan, eta herri bakoitzeko udaletxeetan elkartuko dira herritarrekin. Herritarrei laguntza emango zaie Estatuko Administrazioak ematen dituen zerbitzuei buruzko eskaerak “in situ” izapidetzeko eta eskatuenei buruzko informazioa emango zaie”, ordezkariak adierazi duenez. Guztira, Estatuko 12 funtzionario hurbilduko dira 139 udalerrietara, aholkuak eta informazioa ematera.
Itxasok gaineratu duenez, “kontua da izapide telematikoak egiteko orduan inor ez duela egokitu ezinik sentitzea eta herritarrek informazio egokia edukitzea Administrazioarekin egin beharreko kudeaketak egiteko. Proiektu honen bidez, herritarrei bizitza errazten diegu eta, aldi berean, lurralde- eta gizarte-egituraketa indartzen dugu”.
Hona hemen autoak joango diren udaletan egin ahal izango diren kudeaketa batzuk:
- Identifikaziorako eta sinadura digitalerako bitartekoak izapidetzea (Cl@ve eta ziurtagiri digitala), zerbitzu publikoetara joan beharrik gabe sartu ahal izateko.
- Gidabaimenaren kopia lortzea galdu, hondatu, galdu edo osteagatik
- Imsersoko bidaien edo Gazte Kultura Bonuaren antzeko programei buruzko informazioa, eta Etxeko langileen Gizarte Segurantzari buruzko informazioa jasotzea.
- Bizilekuarengatiko Espainiako nazionalitatea eskuratzeko prozedurari buruzko aholkularitza.
- Herritarren Karpetak dituen abantailei buruzko informazioa, haren aplikazio mugikorra Gobernuak fase pilotuan abian jarri duen hori.
Planak 7,5 milioi pertsonari baino gehiagori on egingo die Espainia osoan, eta horietatik bi milioi baino gehiago, ia % 30, 60 urtetik gorakoak dira.