Hasiera > Ministerioa > Errekurtsoak, erreklamazioak eta eskaerak > Berrikusteko errekurtso berezia

Berrikusteko errekurtso berezia

Administrazio-bidean irmoak diren egintzen aurkako errekurtsoa jartzea da Administrazio Publikoen Administrazio Prozedura Erkidearen urriaren 1eko 39/2015 Legearen 125.1 artikuluan aurreikusitako egoeraren bat gertatzen denean. Eman zituen organo berean planteatzen da.

Oinarrizko araudia: 39/2015 Legea, Urriaren 1ekoa, Administrazio Publikoen Administrazio Prozedura Erkidearena,, 113. artikulutik 120. artikulura eta 125 eta 126. Artikuluak.

Hasiera: Interesatuaren eskaera, urriaren 1eko 39/2015 legearen 115. artikuluan ezarritako betekizunak betez, eta arrazoi hauetako batean oinarritu behar da:

Egintzak ematerakoan egitezko errakuntzaren bat gertatu izana, espedienteari erantsitako dokumentuetatik ondorioztatzen dena.
Gaia ebazteko funtsezko balioa duten agiriak agertzea, geroago izan arren, errekurritutako ebazpenaren akatsa agerian uzten dutenak.
Ebazpen horren aurretik edo ondoren epai judizial irmo bidez faltsutzat jotako agiriek edo testigantzek eragin izatea funtsean ebazpenean.
Prebarikazioaren, funtzionario-eroskeriaren, indarkeriaren, iruzurrezko azpikeriaren edo beste jokabide zigorgarri baten ondorioz eman bada ebazpena, eta epai judizial irmo baten bidez hala deklaratu bada.

Aurkezteko epea:

1. arrazoia denean, aurkaratutako ebazpena jakinarazi eta hurrengo lau urteetan.
Gainerako kasuetan, epea hiru hilabetekoa izango da, agiriak ezagutzen direnetik edo epai judiziala irmo bihurtzen denetik zenbatzen hasita.

Nola aurkeztu:

Bide telematikoa erabiliz egin daiteke Estatuko administrazio orokorraren Erregistro Elektronikoan..
· Aurrez aurre aurkeztu nahi izanez gero, inprimaki hau deskargatu eta Ministerio honetako erregistro-bulegoetan aurkez dezakezu, edo Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan aurreikusitako bideetako bat erabiliz.

Errekurtso bereziaren formularioa.pdf

Aurkeztu beharreko dokumentuak: Zure argudioak defendatzeko egoki iruditzen zaizkion guztiak.

Ebazteko epea: 3 hilabete. Epe hori bukatutakoan ebazpen espresurik eman ez bada, errekurtsoa gaitzetsitzat joko da.

Errekurtsoak:

Administrazioarekiko auzi-errekurtsoa, dagokion jurisdikzio-organoan, bi hilabeteko epean ( Administrazioarekiko Auzien Jurisdikzioa arautzen duen uztailaren 13ko 29/1998 Legearen 46. artikulua).