Administrazioa zugandik gertu

Lurralde Politikako Ministerioaren proiektua da, Ekonomia Gaietarako eta Eraldaketa Digitalerako Ministerioarekin batera bultzatua, eta Espainiako Udalerrien eta Probintzien Federazioaren (FEMP) laguntza du. Herritarrei Estatuko Administrazio Orokorraren izapide eta gestioetarako sarbidea errazten die.

Ekimen hori lurralde osoko 500-8.000 biztanle dituzten udalerrietan gauzatzen da eta sakabanatutako biztanle-gune gehiago dituzten probintzia batzuetan 500 biztanle baino gutxiagoko udalerrietan ere aplikatuko da.

Udalerri horietako bizilagunek udaletxera joan baino ez dute egin behar izango. Bertan, herritarrei zerbitzu publikoetara sartzeko aukera ematen duten identifikazio eta sinadura digitaleko bitartekoak lortzen lagunduko zaie, eskura duten zerbitzu publikoen kartara sartzeko aukera emango zaie eta Gobernuak aplikazio mugikorra abiarazi duen Herritarren Karpetaren abantailen berri emango zaie. Izapide horiek guztiak, udalerritik kanpora joan beharrik gabe.

Era berean, herritarrei laguntza emango zaie ordezkaritzek, ordezkariordetzek eta uharteetako zuzendaritzek ematen dituzten zerbitzuei lotutako eskabideak “in situ” izapidetzeko eta, era berean, gehien eskatzen diren zerbitzuei buruzko informazioa emango zaie.