Hasiera > Ordezkaritzak > Gobernuaren Ordezkaritzak > Gobernuaren Ordezkaritza Euskal Autonomia Erkidegoan > Gaurkotasuna > Prentsa-oharrak > Notas > 2022 > Marzo > Polizia Nazionalaren euskal komisariek nazioarteko babesa eskatu duten 152 herritar ukrainar artatu dituzte

Polizia Nazionalaren euskal komisariek nazioarteko babesa eskatu duten 152 herritar ukrainar artatu dituzte

18/03/2022

Atzotik eskuragarri dago aurretiko hitzorduaren sistema eta datorren astetik aurrera itzultzaileena egongo da
Denis Itxasok, garraioaren grebari dagokionez: “Dei irmo eta argia egin nahi nuke arrazionaltasunez jokatzeko, erosketa konpultsiborik ez egiteko, gaur egun merkataritza- eta banaketa-zentroetan eskuragarri dauden premiazko ondasunak ez bereganatzeko”

Polizia Nazionalaren komisariek EAEn aldi baterako babesa eskatzen duten 152 herritar ukrainar artatu dituzte joan den astelehenetik, martxoaren 14tik. Zehazki, Vitoria-Gasteizkoak 15 pertsona artatu ditu, Bilbokoak 96 eta, azkenik, Donostiakoak 41.

Aldi baterako babesak herritar ukrainarrei bizileku- eta lan-baimena, finantza-laguntza, harrera-baliabideak eta osasun- zein hezkuntza-baliabideak bermatu egiten die gutxienez urtebeterako, hiru urtera luza daitekeena. Euskadin, arratsaldeko ordutegian, Vitoria-Gasteizko, Bilboko eta Donostiako Polizia Nazionalaren komisariek (atzerritarren izapideak egiteko bulegoak hartzen dituztenek) aurretiko hitzordua eskatzeko sistema dute atzotik, ostegunetik, eta datorren astetik aurrera itzultzaileen zerbitzua jarriko da martxan.

Denis Itxaso EAEko Gobernuaren ordezkariak nahi izan dizkio “Eusko Jaurlaritzari eskerrak eman, adostu ahal izan delako ukrainarren itzultzaileek eskatzaileekin egotea prozedura arinagoa eta errazagoa izan dadin”. Itxasok nabarmendu du, halaber, “aurretiko hitzorduko sistema GKEak batez ere erabiltzen ari direla, partikularrak baino gehiago, kudeaketak modu ordenatuagoan egin ahal izateko eta, horrela, beharrezkoak ez diren ilarak saihesteko”.

Pasa den astelehenetik Polizia Nazionalaren komisarietan datuak, argazki bat eta lekualdatuen aztarnak hartzen dira. Lehen urrats horren ondoren, aldi baterako babes-eskaera berresten duen frogagiria ematen zaie. Agintariek Atzerritarren Identifikazio Zenbakia (AIZ) ere emango diete. Datuak eta eskaera erregistratu eta gero, Barne Ministerioak espedienteak ebatziko ditu; honekin, bizileku- eta lan-baimena izango dute dagoeneko.

Greba garraio sektorean

Denis Itxasok, “Balenciaga. Izaera” erakusketa aurkeztu ondoren egindako adierazpenetan, Getariako Balenciaga museoan, eta garraio sektoreko grebari dagokionez, adierazi du “ez dagoela berehala hornidurarik gabe geratzeko arriskurik, baina dei irmo eta argia egin nahi dut arrazionaltasunez jokatzeko, erosketa konpultsiborik ez egiteko, gaur egun merkataritza eta banaketa guneetan eskuragarri dauden lehen mailako ondasunak ez bereganatzeko”.

Halaber, Gobernuaren ordezkariak nabarmendu duenez, “grebarako eskubidea zalantzan jarri gabe, beharrezkoa da aldi berean garraiolarien gehiengoak lan egiteko duen eskubidea defendatzea. Denis Itxasok aitortu duenez “Euskadin langabeziaren eragina txikiagoa eta Espainian baino irmotasun eta birulentzia txikiagoa den arren, garraiolariak babesteko lanean erabateko babesa eman nahi diot Ertzaintzari. Dei egiten dut lanean jarraitu nahi duten konpainiak eta garraiolariak beldurtzeko jarduerarik ez garatzeko”.

Denis Itxasok gogorarazi du Barne Ministerioak Euskadin Polizia Nazionaleko eta Guardia Zibileko 288 agente zabaldu dituela funtsezko produktuen hornidura bermatzeko. Euskal Autonomia Erkidegoan 246 guardia zibil eta Polizia Nazionaleko 42 agente aritzen dira zeregin horretan eta, horrela, Ertzaintza indartzen dute. Hornidura-konboiak eskoltatzea, patruilatzea eta zentro logistikoak zein salgaiak garraiatzeko korapiloak segurtasunez hornitzea da zabalketaren ardatza.