Gobernuak España Nación Emprendedora Estrategia aurkeztu du Bilbon, talentuari eta ekintzailetza berritzaileari laguntzeko 50 neurri biltzen dituena
![Gobernuak España Nación Emprendedora Estrategia aurkeztu du Bilbon, talentuari eta ekintzailetza berritzaileari laguntzeko 50 neurri biltzen dituena Gobernuak España Nación Emprendedora Estrategia aurkeztu du Bilbon, talentuari eta ekintzailetza berritzaileari laguntzeko 50 neurri biltzen dituena](https://www.mptfp.gob.es/dmsweb/es/portal/delegaciones_gobierno/delegaciones/paisvasco/actualidad/notas_de_prensa/notas/2021/04/2021_04_13/altocomisionado.jpg.jpg)
13/04/2021
- Goi Komisarioak, Denis Itxaso Gobernuaren Ordezkariarekin batera, ekoizpen-sistema eraldatzeko eta kalitatezko enplegua sortzen laguntzeko ibilbide-orria aurkeztu du.
- Denis Itxaso EAEko Gobernuaren Ordezkaria ere egon da ekitaldian.
Francisco Polo Espainiarako Goi Komisarioak España Nación Emprendedora Estrategia aurkeztu du Bilbon, ekintzailetza berritzailea eredu ekonomiko berri baten izotz-hausle bihurtzeko ibilbide-orria. Espainiako ekonomiaren oinarri produktiboak eraldatzea du helburu, herrialde erresilienteagoa, produktiboagoa eta berritzaileagoa sortzeko.
Denis Itxaso EAEko Espainiako Gobernuaren Ordezkariak Francisco Polorekin batera parte hartu du aurkezpenean Bilbon, Berrikuntza Faktorian, Mondragon Unibertsitateko ekintzailetza berritzailea sustatzen duen gunean. Bertan izan dira sektoreko pertsona ospetsuak, besteak beste, Teresa Laespada Bizkaiko Foru Aldundiko Enplegu, Gizarteratze eta Berdintasun diputatua eta Nora Abete Bilboko Udaleko Hiri berroneratze Arloko zinegotzia eta Marisol Garmendia, Donostiako Udaleko Ekonomia, Ekologia eta Osasun Publikoko zinegotzia. Gainera, Patricia Casado BerriUPeko zuzendariak, Asier Alea Basque Culinary Centerreko garapen globaleko zuzendariak eta Carla Zaldua Accexible enpresako sortzaile eta CEOk parte hartu dute ekitaldian.
España Nación Emprendedora Estrategiak 50 neurri jasotzen ditu ikuspegi bat egia bihurtzeko: 2030ean Espainia Nazio Ekintzailea izatea, ekintzailetza berritzailea eredu ekonomiko berri baten izotz-hausle bihurtuko duena. Ekonomiaren zati hori bultzatzeaz gain, ekintzailetza berritzaileak herrialdeko sektore traktoreekin zirkulu bertutetsuak sortuko dituen nazio bat, sektore horiek, berrikuntzaren pizgarria jasotzean, beren produktibitatea handitu eta ahalik eta pertsona gehienentzat kalitatezko enplegua sor dezaten. Eta inor atzean utziko ez duen nazio bat.
Estrategiak ekintzailetza berritzailean, herrialdeko sektore bultzatzaileekiko lankidetzan eta garapen inklusiboan oinarritutako eredu ekonomiko bat egituratzen du, genero, sozioekonomia, lurralde eta belaunaldien arteko arrakalak murriztea bermatzen duten zeharkako politikez.
Ekintzailetza berritzailea sustatzeko, lau helburu ezarri dira:
Inbertsioa. Espainian inbertsioa umotzeko prozesua azkartzea, ekonomia indartzeko eta gure inguruko herrialdeekiko aldea ixteko.
Talentua. Talentua garatu, erakarri eta atxikitzea Espainia talentuaren paradisu bihurtzeko.
Eskalagarritasuna Gure herrialdean esponentzialki eskalatu eta haz dezaketen gero eta enpresa gehiago egotea lortzeko ekimenak bultzatzea, sektore indartsuak sendotzeko eta enplegu handiagoa sortzeko.
Sektore publiko ekintzailea. Sektore publikoa administrazio arin bihurtzea, aldeko arau-esparruak sortu, arrisku-kapitalaren inbertsioa bultzatu eta berrikuntzaren palanka bultzatuko dituena.
España Nación Emprendedora funtsezko elementua da Berreskuratze, Eraldaketa eta Erresilientzia Planaren egiturazko erreformen eta inbertsioen programan sartutako proiektu batzuk diseinatzeko eta artikulatzeko. Espainia Nazio Ekintzailea bultzatzea bosgarren politika palanka da eta España Nación Emprendedora Estrategiak gidatuko du ekintzailetzari eta ETEEei berariaz laguntzeko osagaia. Zeharkako ardatz bat ere bada, eta beste palanka politika batzuek eta haren osagaiek laguntzen diote ardatz horri, ekonomiaren eta gizartearen esparru guztietan eragiteko gai den indar eraldatzaile batekin, epe luzeko ikuspegiaz.
Francisco Polo Goi Komisarioak aurkezpenean azpimarratu duenez, Euskadi "egoera ezin hobean dago ekintzailetza berritzailea berrikuntza, enplegua eta inor atzean utziko ez duen etorkizuna lortzeko funtsezko palanka bihurtzeko”. “Enpresa handien eta startup-en arteko lankidetzari esker, ekintzailetza berritzaileko ekosistema oso indartsuak sortu dira Bilbon, Donostian eta Vitoria-Gasteizen, besteak beste. Zalantzarik gabe, Euskadi bere historiako aukera handienetako baten aurrean dago: ekintzailetza berritzailea hazkunderako palanka bihurtzea".
Bestalde, EAEko Denis Itxasok, Espainiako Gobernuaren Ordezkariak, berrikuntzak etengabe sartzearen garrantzia azpimarratu du, "ekonomiaren geldialdia eta horrek eragiten dituen krisiak mugatzeko". "Berrikuntza horiek ekintzailearen kontura doaz eta espero dugu suharra izango dela, ausarta, arriskuak hartuko dituela eta, azken batean, ekintza ekonomiko gogoangarriak arrakastaz egiteko gai izango dela". Ordezkariak euskal ekintzailetza-ereduaren berezitasunak ere nabarmendu zituen bere hitzaldian, hala nola "proiektuen biziraupen handia, laguntza publiko jarraitua eta ekimen pribatuaren presentzia gero eta handiagoa".
Startups legea, eskari historikoa Espainian
Estrategiak barne hartzen dituen 50 neurrien artean Sortzen ari diren Enpresen Ekosistema Sustatzeko Legea dago, eskari historikoa Espainian, eta aurreproiektua errealitate izango da laster, Pedro Sanchez Gobernuko presidenteak iragarri duenez. Lege horrek gorabidean dauden eta enplegua, aberastasuna eta berrikuntza sortzeko ahalmen handia duten enpresen espezifikotasuna aitortuko du; administrazio-izapidetzea ere erraztuko du; beharrezko talentua atxikitzen eta erakartzen lagunduko du; Lanbide Heziketaren, Unibertsitatearen eta gorabidean dauden enpresen arteko hurbilketa bultzatuko du, eta zerga-abantailak eta inbertsio-pizgarriak ere jasoko ditu.
Lehentasunezko neurriak
Helburu guztiak lortzeko, España Nación Emprendedora-rako Goi Komisarioak 50 neurri gomendatu ditu, ‘Estrategia España Nación Emprendedora’-n jasota. Neurri horien artean dago Startups Legea, baina beste ekimen batzuk ere sartzen dira, hala nola:
España Nación Emprendedora Marka. Espainia Nazio Ekintzailea marka. Ekintzailetza berritzailearekin lotutako ekimen guztiak babestuko dituen herrialde-marka bat sortzea, Espainia ekintzailetza berritzaileetarako leku egokitzat hartzeko.
RENACE. Ekintzailetza Zentroen Sare Nazionala. Inkubagailu, azeleragailu eta venture builders sare bat sortzea izango da, talentua garatzeko, jarduera ekonomikoa bultzatzeko eta lurraldean biztanleria finkatzeko gaitasuna izango duena.
Scaleup Spain: eskalagarritasunari laguntzea. Enpresek tamaina handitzeko eta nazioko eta nazioarteko merkatuan garapena sendotzeko, hazteko ahalmen handia duten enpresentzako urteko programa bat sortuko da.
Emakumeen talentua erakartzeko nazioarteko programa. Emakumeen talentuaren aldeko apustua egitea gai estrategikoa eta printzipio-kontua da gure herriarentzat. Espainia emakume profesionalentzako herrialde erreferente gisa kokatzeko programa bat sortuko da.
Bisatu-programa. Baldintza jakin batzuk betetzen dituzten profesional atzerritarrei lan-bisatuak emateko programa hobetzea, talentua erakarri, atxiki eta garatzeko ezinbestekoa izango baita tresna hori. .