Inicio > Delegaciones > Delegaciones del Gobierno > Delegación del Gobierno en la Comunidad Autónoma de Galicia > Actualidad > Notas de Prensa > Notas > 2020 > Diciembre > Isabel Rodríguez visita as obras realizadas por Costas en Trabada

Isabel Rodríguez visita as obras realizadas por Costas en Trabada

01/12/2020

 Esta actuación é a segunda fase do proxecto da área da Choza e contou con un investimento de 60.000 euros

A subdelegada do Goberno, Isabel Rodríguez, visitou hoxe as obras realizadas polo Ministerio de Transición Ecolóxica e para o Reto Demográfico, a través da Dirección Xeral da Costa e o Mar, na zona da área recreativa de A Choza en Trabada. Na visita estivo acompañada pola alcaldesa, Mayra García Bermúdez, e polo xefe provincial da Demarcación de Costas do Estado, José Miguel Estevan.

Isabel Rodríguez explicou que Costas está a executar a segunda fase da escollera da área de A Choza que forma parte das actuacións previstas este ano dentro do plan de conservación e mantemento.

A subdelegada manifestou que “con toda seguridade, estas melloras, que nos demandara o Concello, van redundar no aproveitamento da zona por parte dos veciños”.

Tamén explicou que “esta intervención é complementaria dos traballos que xa se executaran o ano pasado coa finalidade de resolver a degradación nalgunhas infraestruturas existentes na zona”.

As obras que acaban de executarse supuxeron un investimento aproximado de 60.000 euros, e complementan os traballos realizados no ano 2019, nos que se investiran outros 45.000 euros e que, entre outras intervencións, supuxeron o dragado de lodos para facilitar a navegación.