Artzain Onaren Katedrala zaharberritzeko obren bigarren fasea uda amaieran bukatuko dira
15/03/2023
% 1,5 Kultural kargura
- Gobernuak orain arte ia 2,5 milioi euro bideratu ditu Artzain Onaren Katedrala zaharberritzeko
- Denis Itxaso: “% 1,5 Kultural programak kultura-ondarea berreskuratzea, kontserbatzea eta balioestea bermatzen du. Zaharberritzeak aukera emango du Donostiarentzat oso maitatua dagoen eraikin bat erabat berreskuratzeko”
- Gobernuaren ordezkariak Katedralaren zaharberritzea bisitatu du Fernando Prado Donostiako gotzainarekin batera
Espainiako Gobernuak dagoeneko 2.440.000 milioi euro baino gehiago bideratu ditu Donostiako Artzain Onaren Katedrala zaharberritzeko. % 1,5 Kultural Programatik etorritako finantzaketa da, Garraio, Mugikortasun eta Hiri Agendako Ministerioak zuzendutakoa, eta herrialde osoan kultura-ondarea berreskuratzeko eta kontserbatzeko jarduerak ordaintzen laguntzen duena. Donostiako katedralaren kasuan, 2,4 milioi euroak honela banatzen dira: Dorrea berreskuratzea (819.000 euroko 2018an emandako diru-laguntza) eta ekialdeko erdialdea berreskuratzea -bertan fatxadak, beirateak eta estalkiak sartuta- (1,6 milioi euroko diru-laguntza Ministerioaren aldetik, kostu osoaren % 75). Espainiako Gobernuaren ordezkari Denis Itxasok Katedrala berreskuratzeko bigarren fase honetako obrak bisitatu ditu gaur, Fernando Prado Donostiako gotzainarekin batera, lanen bilakaeraz interesatzeko.
Iragarri duenez, “aurreikuspenen arabera, Katedrala zaharberritzeko bigarren fasea uda amaieran bukatuko da. Horrela, hirugarren fase bakarrik geratuko litzateke, non tenpluaren mendebaldeko erdialdea berreskuratuko den, gaur egungo lanak amaitzen direnean egingo dena”. “% 1,5 Kultural programak kultura-ondarea berreskuratzea, kontserbatzea eta balioestea bermatzen du. Artzain Onaren katedraleko jarduketa hau beste urrats bat da norabide horretan, Gobernuak Donostiak asko maite duen eraikin baten osotasuna berreskuratzeko egiten duen ahalegina”.
Artzain Onaren Katedralaren plan zuzentzaileak hainbat fase jasotzen ditu zaharberritzean. Lehenengoan (dagoeneko amaituta) monumentu-multzoko kanpandorrea zaharberritu eta birgaitu zen. Eta orain bigarren fase batean tenpluaren ekialdeko erdialdea zaharberritzen ari dira, azken urteotan luizi txikiak jasan dituen gune hondatuagoa. Jarduera honetan honako hauek berreskuratu izana nabarmentzen da:
- Beirateak. Desmuntatu egin dira tailerrera eramateko. Bertan, planimetria berreskuratuko da eta egoera txarrean dauden eztainuzko soldadura guztiak garbitu eta leheneratuko dira. Azkenik, jatorrizko posizioan birkokatuko dira, eta beira isotermikoekin babestuko dira.
- Harrizko gainazalak. Saneatu, garbitu eta gezatu ditu. Gainera, kaltetutako piezen bolumenak berreskuratu ondoren, hagunak eta tendelak elkartuko dira.
- Arbelezko estalkiak eta zink-erremateak. Unean uneko akatsak dituzte eta konpondu egin behar dira. Hondatutako arbel-piezak ordeztuko dira eta zink-erremateak errepasatuko dira. Erretenak eta zorrotenak erabat aldatuko dira.
%1,5 Kultural Programa
% 1,5 Kultural Programa Gobernuaren tresna Nagusia da Espainiako herrien ondare historiko, kultural eta artistikoaren eta berau osatzen duten ondasunen kontserbazioa bermatzeko eta aberasteko. Estatuko Administrazio Orokorrak Estatuko obra publiko bakoitzaren aurrekontutik ondare nazional izendatutako eraikinak kontserbatzeko, birsortzeko edo aberasteko lanak finantzatzeko eta jarduera artistiko-kulturalak sustatzeko gorde behar duen ehunekoa da. Horretarako, Ondare Historikoaren Legeak Estatuko Administrazioak egiten dituen obra publikoen aurrekontuari aplikatu beharreko % 1eko gutxieneko ehunekoa ezarri zuen. Betebehar horretatik harago, Garraio, Mugikortasun eta Hiri Agendako Ministerioak 2014an lizitatzen dituen obren aurrekontuaren % 1,5era handitu zuen bere ekarpena. Eta joan den abenduan, Garraio Ministerioak eta Kultura Ministerioak akordio bat sinatu dute hurrengo deialdian Espainiako ondare historikoa birgaitzeko jarduketak % 2 kulturalera igotzeko.
Itxasok zehaztu duenez, “Euskadik 4,3 milioi euro jaso ditu % 1,5eko kargura 2017ko, 2018ko eta 2019ko azken hiru deialdietan kultura-ondarearen hiru euskal lurraldeetan kultura-ondarea berreskuratzeko eta kontserbatzeko jarduerak finantzatzeko”. Hiru deialdi horietan finantzatutako Euskadiko ondasunen artean, Artzain Onaren katedralaren bi faseetako zaharberritzearekin batera, honako hauek daude:
- Gazteluzahar gaztelua eta haren ingurua berreskuratzea, Irunen. (319.328 euro, obra osoaren % 50).
- Getxoko Punta Begoña galeria-monumentua berreskuratzea eta balioztatzea. (524.735 euro, obra osoaren % 50).
- Vitoria-Gasteizko Santa Maria Katedraleko Santa Ana portada zaharberritzea. (287.842 euro, obra osoaren % 70).
- Zeraingo Aizpea meategiko kiskaltze-labeak zaharberritzea. (530.137 euro, obra osoaren % 74,82).
- Mutiloako Errotatxo errota kontserbatzea eta birgaitzea. (185.639 euro, obra osoaren % 54,6.