Abel Losada e a alcaldesa de Redondela destacan a envergadura das obras de reparación da *N-552
18/03/2025
O subdelegado explica que a actuación, diante do alcance dos movementos de terras e das novas estruturas de contención, durará 6 meses
Digna Rivas felicita ao Ministerio de Transportes por unha actuación “que era moi necesaria e que demandamos desde o Concello”
Redondela, 18 de marzo de 2025.- O subdelegado do Goberno en Pontevedra, Abel Losada, visitou as obras de emerxencia que se están realizando no *PK 5+000 da estrada *N-552 no alto da Encarnación. Na visita, na que estivo acompañado pola alcaldesa, *DignaRivas, destacou que e trata dunha obra de envergadura para solucionar un problema que viña arrastrando neste punto.
As obras, a cargo do Ministerio de Transportes e Mobilidade Sustentable, comezaron no pasado mes de febreiro e contan cun orzamento total de 2.505.161,54 euros e un prazo de execución de 6 meses. Foron adxudicadas polo procedemento de emerxencia, feito que Abel Losada agradeceu aos responsables da Demarcación de Estradas en Galicia porque permitiu apurar uns trámites que se demoraron cunha licitación común.
Losada volveu lamentar que houbese “quen tentou tirar rédito político dunha obra que xa sabiamos que se ía a facer *inminentemente e que, se todo ve ben, estará finalizada para finais do verán”. Pola súa banda, a alcaldesa, Digna Rivas, agradeceu a visita e felicitou ao Ministerio de Transportes por unha actuación que, lembrou, “era moi necesaria e que demandamos desde o Concello, e polo que se pode ver con moi boa receptividade”.
Os traballos consisten na estabilización do terraplén mediante a instalación dunha rede de *bulóns de aceiro para o cosido do *talude, a reposición do paquete de firme afectado e a reparación da rede de colectores que hai baixo o asfalto.
A seguridade do persoal que está a efectuar as obras esixe habilitar desvíos de tráfico, cortando un carril de circulación entre os puntos quilométricos 4+700 e 5+300, dando paso alternativo polo outro carril a ambos os sentidos de circulación mediante regulación *semafórica.